លោក Arsene Wenger បានបញ្ជាក់ថាគាត់នឹងមិនអាចទិញ Karim Benzema បានឡើយ ហើយបានបង្ហើបថាវាព្រោះតែគាត់ជឿថា Olivier Giroud ជាខ្សែប្រយុទ្ធល្អបំផុតមួយរូបដែរ។
Giroud រកបាន៣គ្រាប់ក្នុងប្រកួតប៉ះ Olympiacos នៅ Champions League ថ្ងៃពុធ ជួយអោយក្រុមកាំភ្លើងធំឡើងទៅវគ្គ១៦ក្រុម។
ខ្សែប្រយុទ្ធបារាំងនេះបន្តឡើងជើងដោយរកបាន១០គ្រាប់មកហើយក្នុង១២ប្រកួតចុងក្រោយអោយ Arsenal ។
ទោះជាត្រូវបានគេរិះគន់ថាជាខ្សែប្រយុទ្ធមិនល្អគ្រប់គ្រាន់ជួយ Arsenal ក្នុងការប្រកួតប្រជែង Giroudទទួលបន្ទុកម្នាក់ឯងក្នុងការស៊ុតបញ្ចូលទីនៅពេលដែល Theo Walcott និង Alexis Sanchez រងរបួស។
លោក Wenger បានអះអាងថាខ្សែប្រយុទ្ធវ័យ២៩ឆ្នាំនេះលេងបានល្អដូចជា ខ្សែប្រយុទ្ធឯទៀតដែលគេគិតថាជាខ្សែប្រយុទ្ធល្អបំផុតនៅលើលោកដែរ ។
គាត់បាននិយាយថា៖ ខ្ញុំគិតថាគាត់នៅក្នុងលីកនោះព្រោះគាត់លេងនៅក្នុងក្រុមល្អ បំផុតមួយនៅអឺរ៉ុប ហើយគាត់ស៊ុតបញ្ចូលទីបានច្រើន។ ប្រសិនបើអ្នកមើលពីចំនួននៃការប្រកួត និងចំនួនគ្រាប់បាល់ អ្នកត្រូវតែផ្តល់ការសរសើរដល់គាត់មួយ។
គាត់មិនត្រឹមតែជាអ្នកស៊ុតបញ្ចូលទី គាត់ជាកីឡាករដែលប្រឹងប្រែងដើម្បីក្រុម ខ្ញុំគិតថាគាត់ស្ថិតក្នុងចំណោមខ្សែប្រយុទ្ធល្អបំផុតនៅអឺរ៉ុប។
យើងគ្រាន់តែអាចនិយាយបានថា Olivier Giroud ជាខ្សែប្រយុទ្ធអស្ចារ្យម្នាក់ ដូចនេះនៅពីក្រោយនេះយើងមិនអាចទិញ Karim Benzema បានឡើយ។
ប្រភព៖ talkSPORT , sportkh